Cor di Jëuni Gherdëina - About

L Cor di Jëuni de Gherdëina ie nasciù al scumenciamënt dl 2009 da l'idea de mëter adum i cores di jëuni dla valeda, Cor di Jëuni Urtijëi, Cor di Jëuni S. Cristina, Hosianna de Sëlva per fé n bel cunzert deberieda.

I dirighënc de chësc prim proiet ie Romina Glira, Johanna Kostner y Irene Kostner dl Cor di Jëuni de Urtijëi,
Isabella Mussner di Hosianna de Sëlva y Samuel Runggaldier dl Cor di Jëuni de S. Cristina, che ie nce a cë di dirighënc. De nuvëmber dl 2009 iela finalmënter tan inant: l Cor di Jëuni Gherdëina fej si prima cumparida pitan trëi cunzerc te doi dis vendui ora. Per l'ucajion vën nce tëut su n CD live dl cunzert y l gran ntujiasm di ciantarins
y dl publich fej ntënder che l ne dëssa nia resté mé pra chësc proiet.

L segondo majer proiet vën pona a s'l dé de merz dl 2010 canche l cor à l unëur de pudëi fé unì adalerch i
Akustika Chamber Singers de Pretoria tl Sud Africa. Chësc cor ie ratà danter i miëur cores di jëuni al mond.
Ti doi dis passei deberieda ulà che i jëuni dl Sud Africa à pudù durmì tla families, ons abù ucajion de mparé a cunëscer mpue si cultura y si esperienzes musicheles. Ëi ntant à pudù amiré nosta bela montes.
Per finé via chisc dis à i Akustika Chamber Singers po' tenì n cunzert tla dlieja de Sëlva che à dastramp plajù
sibe a jëuni che a manco jëuni unic a scuté su. N'idea per l daunì fossa bën de jì cun dut l cor tl Sud Africa
ma per ntant ons nvià l dirighënt de chësc cor, Christo Burger, a nes dé la batuda dal proscimo gran cunzert.