Ai 1. de merz iel stat, tla Cësa di Cungresc de Urtijëi, n cunzert per festejé i trënt'ani de atività dl Cor di Jëuni de Urtijëi. Nasciù ie l Cor ora de na grupa de jëuni y jëunes dla Schiera Junila, che à ciantà na mëssa y à pensà de mëter su na grupa nueva, davia che l ti à sapù tan bel. Deberieda cun l caplan de chëi ani, Guido Perathoner, ti à la prima doi dirighëntes Silvia Malsiner y Tanja Messner dat vita ala lia. De ndut iel stat 15 dirighëntes ti ani passei, al didancuei ie Tanja Comploi la dirighënta dl Cor di Jëuni de Urtijëi y mëina da n pont de ududa de mujiga na grupa de vint ciantarins y ciantarines.

Julia Lardschneider - La Usc
Edizion n. 10 dl 08.03.2024